Plan d'instrucziun 21

LE2GR.3

Discurrer

Mediaziun

Las scolaras ed ils scolars san transferir confurm al senn en englais cuntegns da discurs, texts auditivs u texts scrits en la lingua da scola.

renviaments

LE2GR.3.D.1

Las scolaras ed ils scolars ...

san chapir las constataziuns principalas da communicaziuns curtas e simplas en scrit en la lingua da scola (p.ex. tavla, placat, SMS) e las reproducir confurm al senn en englais.

san chapir - en in discurs simpel cun ina persuna che discurra la lingua da scola - dumondas ed infurmaziuns curtas davart la persuna u situaziuns da mintgadi e las reproducir confurm al senn en englais (interpretaziun informala, p.ex. derivanza, hobi, interess).
san reproducir confurm al senn communicaziuns tras l'autpledader e communicaziuns curtas a bucca en la lingua da scola en simplas frasas e modas da dir en englais (p.ex. annunzia da retard, previsiun da l'aura).
san reproducir en englais confurm al senn las constataziuns principalas u las singulas infurmaziuns da texts simpels e curts en scrit en la lingua da scola (p.ex. e-mail, prospect, program d'occurrenzas). La premissa è ch'i sa tractia da temas ch'als èn enconuschents (p.ex. scola, temp liber, animals).

san reproducir en englais confurm al senn las constataziuns principalas u las singulas infurmaziuns d'in discurs pli lung che ha ina structura clera cun ina persuna che discurra la lingua da scola sco er da texts auditivs u da texts scrits en la lingua da scola (p.ex. scuntrada cun la classa partenaria, istorgia, text da diever). La premissa è ch'i sa tractia da temas ch'als èn enconuschents.

san intermediar confurm al senn - en ina situaziun da discurs - tranter ina persuna che discurra l'emprima lingua estra ed ina persuna che discurra englais (p.ex. dumondas ed infurmaziuns simplas e curtas davart la persuna u davart situaziuns dal mintgadi).